十下火鍋

最近趁天气冻返，即刻黎食呢间人人都赞既火锅店。位于登龙街永光中心二楼，装修怀旧，墙上挂有霓虹灯饰，枱上放有传统既寿星公碟，蓝色瓷碗，木筷子等等；餐厅仲播埋八九十年代既经典歌曲添！首先来一盘酱汁，有豉油、醋、麻油、麻酱、沙茶酱、蒜蓉、葱花、辣椒，仲有我最爱既芫荽碎喔！宝宝就超级钟意落蒜蓉同沙茶酱。至于汤底，我哋拣咗「火瞳花胶鱼肚鸡汤」。汤头用上鸡骨、金华火腿、红枣、杞子熬成奶白色既汤，所以味道比较咸；配埋花胶，鱼肚同鱼翅，仲有半只鲜鸡，非常丰富同鲜甜，火锅之前服务员都帮我哋「笔」咗几碗汤饮。我哋点既火锅配料，「黄金麻吉烧」，原来系鱼蛋包住麻薯；「麻辣汤包」，非常烫口，一咬落去会有好香既麻油且十分弹牙！炸鱼皮就吃得多，炸鱼骨就真系第一次。炸得非常脆口，点点汤底又系另一番风味。可惜响铃就唔算脆，但挂汤力系十分强既，哈哈！海鲜方面，我哋只系简单点咗鲍鱼同虾滑。前者好新鲜，后者加入咸蛋黄后味道特别，质地都唔错。仲有流心「芝士丸」同十分足料既「蟹肉蟹粉饺」，饺子皮好薄而且好重蟹膏味呀！牛肉方面，宝宝点咗「美国肥牛」，份量足够两个人食，大理石纹好明显，牛肉味都重，唔错唔错。值得一提既系餐厅好尽责，用