一豆花

营业中

休息中

食完晚饭都仲系时间尚早，想食埋甜品，行下行下见到呢间一豆花，装修用左稻草，好似一间茅屋咁，好有特色，我同朋友就入左去。好耐冇食过豆腐花，我地叫左两碗，一碗系必食既热黑芝麻糊豆腐花，同埋一碗冻既姜汁豆腐花。枱面上面有糖水同黄糖，甜度可以完全自己控制。佢地用既系加拿大非基因改造特选黄豆，日日现场即磨鲜委，包保新鲜，每支豆浆都用咗半磅黄豆去制，非常足料。除左豆浆同豆腐花，仲有小食，例如烧卖肠粉同鱼蛋，另外仲有足料肉松粢饭，同埋自家制腐乳可以买返屋企炒菜！姜汁豆腐花 - 姜汁香浓，但唔会好辣，豆腐花好滑，重豆味，唔错！黑芝麻糊豆腐花 - 黑芝麻有益健康，补钙美颜又润肠，味道香浓幼滑，再加埋香滑豆腐花，味道好夹，仲好大碗添，争啲食唔晒。