華香雞 (已結業)

喺观塘区返工，呢排天气咁热放咗工都唔想出咁远，朋友话好想食鸡同中式菜，咁我哋就试下依间出名食鸡嘅老字号餐厅啦 佢呢度嘅鸡都几多选择，同朋友两个人又食唔到咁多，好彩佢有得拣双拼，我哋两个人就嗌左招牌华香鸡拼乌龙茶香鸡 入口真系几鲜嫩，鸡肉好扎实，完全同出面食嘅冰鲜鸡系两件事，鸡味浓郁，仲配有三款酱，分别系砂礓、葱油、辣椒酱 我就钟意食乌龙茶鸡多啲，因为佢比较清淡仲有啲茶香味牛筋牛腩煲，份量好大，牛筋同牛腩都好入味，我哋仲嗌咗碗白饭送添之后想食啲香口啲嘅嘢，就嗌咗椒盐九肚鱼，上面好似避风塘式嘅椒盐九肚鱼咁，有好多调味同埋炸蒜蓉，闻落已经好吸引，九肚鱼本身炸极都唔会过火，配埋外边嘅调味，真系好香口