車站豆腐花

营业中

休息中

嚟到大澳，食完巨型鱿鱼之后行咗一分钟都冇就见到车站豆腐花，佢咁出名，当然入咗去食一食。喺远处就见到舖头个招牌，完全唔难揾。店舖售卖中式糖水，选择唔算多，都系豆腐花、芝麻糊、杏仁糊同腰果糊四种，不过胜在可以搭配。佢每一张枱上面都放咗糖同姜水，等食客自己加。我地拣咗豆腐花同豆腐花拼芝麻糊，喺豆腐花未加糖同姜水既时候试咗一啖，豆腐花好滑好香豆味，已经觉得好正。，虽然加咗唔系好多，但d姜味出哂嚟，不过因为本身姜水都甜甜地，所以个人觉得即使唔加糖都够甜。另外仲叫咗豆腐花并芝麻糊，佢地既芝麻糊口感幼滑，味道香浓，都系整得好有诚意。食完呢两款，都想试下杏仁糊同腰果糊，所以下次嚟大澳一定会再帮衬！