Chullschick

营业中

休息中

有一日系网上见到呢间新开嘅烤鸡店嘅简介，话说佢系香港唯一获秘鲁政府加持嘅秘鲁菜餐厅，其实我都唔知香港仲有咩秘鲁菜。闻名不如见面，我lunch time 就去左试。餐厅座落系荷里活道对上嘅嘉咸街，其实都几吊脚，搭地铁中环落最好行天桥上。舖面唔算得别大，可以坐20人内。我平日嘅午餐时间去都爆。所有嘅侍应都系外国人但系招呼都好好，好细心。午餐有特别Menu，大约百头蚊就有个餐。餐有个汤或者沙律加一个主菜同配菜同一个嘢饮。够饱有余。汤都几搭电梯黑豆汤,饮落唔会好杰亦都有少少好似蘑菇嘅香味。主菜我就买咗半只烤鸡同埋一个烟熏猪肉三文治，只鸡系慢煮再攞去烤，肉真系好滑好入味跟住块皮都烤到好香，中环烤鸡都算多竞争但系佢真系做得好好。配菜都有好多选择，新鲜。另外个烟熏猪肉三文治觉不嬲好特别，佢唔系普通嘅多士而系有啲似印度薄饼同埋方包中间嘅Flat Bread, 口感好特别好难去形容，个猪肉都做得好好，唔会好韧。唔错嘅另类lunch option。