春水堂 (太古城中心)

营业中

休息中

系太古行耐左想坐低饮杯嘢，就同朋友入去春水堂试下啦。黄金香酥鸡（$48）鸡嘅份量唔算多，不过都炸得几香脆。外面层炸粉唔会好厚，而且上面仲有啲椒盐调味，食落好香好好味。卤香牛筋（$58）牛筋卤得好香，食落好入味同好淋。上面仲有啲芫茜、姜同辣椒，点埋佢附送嘅辣椒油仲香，辣辣地几好食。就咁睇份量好似好多咁，但其实牛筋下面系有啲芽菜黎垫底，所以份量唔算太多，不过配埋芽菜食都几清爽。香醇奶茶（$30）奶茶叫左走冰微糖，虽然系微糖但系饮落都系偏甜嘅。成杯都几顺口同几香奶味。珍珠铁观音奶茶（$34）同样都系叫左走冰微糖，都系偏甜。同奶茶比就多左啲铁观音嘅香味，不过唔算太重。珍珠都几多，食落啱啱好唔会话煮唔熟或者太硬𠮶啲。整体黎讲啲嘢食都唔错，份量唔算太多，而嘢饮就相对比较普通。收埋加一之后盛惠$187，都系偏贵嘅。