Popcorn Brother

营业中

休息中

上次因为舖头咁啱闩咗，无机会试。今日难得去南丰中心，就试吓睇吓舖头有冇开，结果有开！终于有得试呢间嘅爆谷喇！因为系第一次食，所以都唔敢买太多，就买咗1公升(1桶)。佢系可以沟唔同嘅味，两沟就加$3，我觉得ok，咁好过买2桶咁多，所以我就试咗焦糖味爆谷同埋朱古力味爆谷。朱古力味爆谷好香浓，相信都系因为店主冇悭到啲朱古力糖浆，大部分爆谷上面都有一层又厚又脆嘅朱古力糖浆，再加上朱古力糖浆嘅味调得好好，所以就非常之香浓，有啲似热朱古力咁香浓。焦糖味爆谷都好味，基本上同头先形容朱古力味爆谷嘅一样，大部分爆谷上面都有一层又厚又脆嘅糖浆。因为焦糖味爆谷个味冇咁浓，所以会食到多啲爆谷本身嘅原味，加埋焦糖嘅甜味。焦糖味爆谷本身冇朱古力味爆谷咁浓，所以食完好多粒朱古力味爆谷之后，要饮啖水或者等一阵，先可以再食到焦糖味爆谷嘅味道，如果唔系会无乜味。下次再食嘅时候，我会由冇咁浓嘅味道开始食先，比较浓嘅味道就要之后先至食。