怒茶巷 (已結業)

有一段时间冇嚟葵涌广场行街食嘢，难得今日约到朋友过嚟葵芳，所以决定扫街做午餐！食咗少少嘢之后大家都开始口渴，见到怒茶巷价钱较坊间平而且选择都几多就同朋友每人买咗杯饮品！黑糖珍珠鲜奶味（微糖/少冰）$25：朋友话珍珠几好食，叫我试咗两啖！珍珠的确烟韧而且软硬适中，唔会太硬亦唔会太淋，食得出黑糖微微焦香嘅味道！牛奶方面亦都真系用上浓稠鲜奶而唔系奶精！平时外面饮开都系30蚊以上，呢个价钱绝对抵饮！！芝士三重朱古力（少糖/少冰）$32：芝士奶盖微咸，质感厚实香气十足！浓郁可可味质感幼滑顺口又唔会太甜而且唔会觉得腻，虽然饮落几饱肚但咸甜交集层次丰富，会不知不觉成杯饮晒😉