Mad for Garlic (已結業)

呢间野成日见到都想试，见几靓又唔系好贵。今次终于揾到爱人陪我食。我拣左我最钟意既忌廉汁煮蓝青口、蒜香忌廉蟹肉龙虾肉意粉、蒜香石斑带子同埋意大利芝士饼。青口好好肉，又鲜甜。我最钟意个汁，点法包一流。食到唔够法包。意粉我都几喜欢，因为我好钟意佢个蟹肉，好鲜甜，意粉又好挂汁。石斑带子亦都出色，带子大大粒，煎得好香好正。鱼又唔会好鞋好干。不过我觉得最最最好食系tiramisu,第一次咁样食tiramisu，餐厅将咖啡同酒分开，点黎食好得意，甜而不腻，浓浓既芝士味。好有创意。总括黎讲不枉我期待左咁耐去食呢间餐厅，我觉得系好好食，好有惊喜！