Will's Coffee (已結業)

同好友都系爱芋头之人，早前喺IG度见到有芋泥西多贩售已相约要一齐去试，最近得知佢唔使再被混乱嘅资讯玩到氹氹转，决定贺一贺佢。小店大约只能容纳三至四人，只做外卖，同好友急不及待，买完行去附近嘅公园一路望住啲细路跑跑跳跳一路食。Flat White $34 (Set)撇除其专业机器设备，估唔到店小小都有卖手冲出品，店主应该对咖啡有要求之人。Flat White咖啡香浓，拉花匀称，喜欢。韩式泡菜猪肉Bagel $62 (Set $86)食物到手嘅时候不禁赞叹咗一下，卖相色彩缤纷鲜艳，非常吸引。Bagel用上Blendit出品，拣口味嘅时候纯粹以拍摄角度作考虑，估唔到个包居然真系有红菜头独有嘅青草味，仲要几突出下，怕者慎选；泡菜猪肉微酸微辣，份量慷慨，惹味又有饱足感，食完好满足。手工芋泥西多士 $42轮到是日重点：西多士！西多士即叫即做，要等大约十分钟。面包用煎取代炸，食落的确无咁油腻。芋泥绵滑，保留少少伙粒，味道天然微甜，蘸少少炼奶幸福感倍增！小店虽然地方细细，但上至装饰摆设下至餐具手挽袋都见其费尽心思，食物质素加系水准以上，可惜无堂食令人有少许却步，如果有天可以见证佢搬大舖就好了。