三代目 (港運城)

营业中

休息中

今晚嚟这间日本餐厅，之前都嚟过，味道唔错，朋友特别推介唐扬豆池鱼，佢话好好食，非常香口！所以今晚我特登嚟试吓！一坐低就即刻叫咗佢哋嘅唐扬豆池鱼。送到嚟，卖相已经非常吸引，闻到好香，细细条好饱满，炸得香脆，一咬落口，冇乜油腻感，真系好正！仲加咗杯生啤，真系绝配！除咗唐扬豆池鱼，我哋仲叫咗鳗鱼饭。鳗鱼好肥美，加埋白饭，一大啖食，好满足。仲有薯仔沙律～系我嘅至爱，虽然系普通嘢，但呢度整得好好食。黑松露带子天妇罗，带子中间夹住黑松露，一齐炸，完全冇炸过龙，带子仲好弹牙。整体嚟讲，这间日本餐厅，都算几正宗，款式又多，坐得舒服，有兴趣，不妨嚟试吓 !