三多

营业中

休息中

前排去台湾旅行, 晚晚都去夜市, 食唔停口。其中一样喺夜市中最吸引我嘅就系炸鸡排！今日就专登嚟到三多嘅大埔总店, 试试香港有名嘅生炸鸡髀。提提你呢度系夜晚六点钟先开门㗎！我地嚟到啱啱开, 已经有唔少街坊嚟帮衬。 由于鸡髀系生炸, 而且系即叫即炸, 点完餐就要耐心等一阵啦。炸鸡髀送上！ 大大件鸡髀炸到金黄色, 卖相十分吸引。趁热马上咬一口, OMG！鸡扒外层系脆到出声！酥脆程度完全令人意想不到, 肉质保持嫩滑, 仲有肉汁流出, 真系好食到不得了！