潮藝館

同朋友庆祝生日喺尖沙咀book枱嚟食潮州菜。餐厅装修都几特别，一入到去见到有特色吧枱，估唔到潮州菜馆都可以做得咁fusion，另外用餐环境宽敞舒适都几啱成家人一齐食饭。▪️五小福▪️有齐晒咁多款特色前菜，包括好特别嘅串茄核桃沙律、潮式粿肉、酒香冻鲍鱼、椒麻带子、话梅凉瓜！椒麻带子超特别，椒麻酱微微辣同新鲜带子真系好夹，而串茄核桃沙律同话梅凉瓜都超醒神，呢五款开胃菜都好好食。▪️足2両红烧潮州翅▪️呢款真系好足料啊。食到啖啖翅，而且以微火点热加温送上，真系好窝心呀！味道调得啱啱好钟意食芫荽同红醋嘅都可以加少少调味！不过就咁食都已经食到好鲜。▪️方鱼炒芥兰▪️满满惹味方鱼碎同新鲜芥兰一齐炒香，方鱼冇苦涩味，亦都冇腥味，唔会太咸，而芥兰炒得惹味爽口，味道啱啱好！▪️椒盐白饭鱼▪️炸得好爽脆金黄，送饭一流！▪️翡翠汁煎焗黄花鱼扒▪️超欣赏呢一款煎焗黄花鱼扒，独特嘅翡翠菠菜汁味道清甜，煎焗黄花鱼扒啖啖肉，外面非常之香脆，内里肉质仍然keep到嫩滑！▪️卤水墨鱼▪️招牌卤水墨鱼卤水味道唔会太咸，墨鱼弹牙！仲有豆腐添，最啱同朋友一齐share😍
▪️层出不同▪️呢个系一款好有特色嘅炒饭，每一层都唔同，好丰富呀。表面铺满满满嘅紫