肥姐蠔餅婆

营业中

休息中

食完晚饭，得七成饱， 就谂住去食宵夜。行下行下， 未谂到食乜， 就见到肥姐蚝饼婆！ 系㖞， 呢间嘢好出名㗎！ 我哋都未食过，于是就去帮衬。佢系即叫即做嘅，好彩唔算多人， 所以唔使等好耐就有得食。我地就咁喺佢店门口张枱食（企位ONLY）。 一份35蚊， 唔算好大个， 但好足料 。粉浆唔算好厚而系比较薄脆，同埋蚝仔份量唔少，几乎每啖都食到蚝仔嘅肉， 热辣辣又好味道！好正！于是乎好快就食晒啦， 呢个咁酥脆嘅蚝饼我真系好推介 ！听讲平时好多人等㗎，如果多人等嘅时候我就可能要谂谂，因为堂食始终要企喺度食都唔系太方便嘅。