許留山 (已結業)

咁热嘅天，适度咁食D糖水饮下冰都系种享受，仲可以降下温，而选择许留山系因为啱啱行到隔离见有D口渴，乜入来坐下咯！密制龟苓膏，所谓密制，就系因为里边加咗薄荷，许留山不愧系咗凉茶发家嘅，加咗薄荷嘅龟苓膏，薄荷味大大中和咗龟苓膏嘅苦味，有D霸，有D凉，食落去真系成身都轻松晒。芒果糯米糍，皮韧，椰丝香，芒果甜，里边芒果粒大大粒，真系又香又甜！杨枝金露，甜甜嘅芒果汁做底，然后新鲜嘅芒果有d小小小嘅酸味，果香味香浓，柚子粒粒粒饱满，一咬会爆浆吖！呢碗嘢真系抵食。芒果捞，加入咗好多嘅新鲜芒果同埋芒果汁同椰汁，仲有滑滑嘅西米，食落去真系享受吖！