閨蜜x沐牧農場 (已結業)

琴日夜晚同老婆去西九四小龙附近饮，所以早啲去附近嘅商场行吓，见到呢一间店，一睇个门牌，估计都系啲呃like 嘅珍珠奶茶店，个名又改得好鬼死乸，不过见口淡淡，就入去叫咗杯招牌珍珠奶茶，珍珠奶茶就冇乜特别，不过饮到有蜂蜜味。反而见到有啲靓仔喺度食炸鸡翼，自己本身系鸡翼嘅super fans, 睇落好似几好味，所以就即刻order左半份黎试吓，点知发现系近期最大嘅惊喜。香芧鸡翼加咗炸蒜片，鸡翼本身炸得好juicy, 好鬼死惹味。问老板娘点解啲鸡翼咁正，佢话自己亲自每朝喺街市拣啲鸡翼，鸡翼逐只拣，每只大细要差不多，唔靓嘅唔要，咁一定冇得输啦！本来谂住再order 一份, 但系之后要去饮，唯有下次再嚟帮衬过。