TwoTwo Chicken (已結業)

韩式炸鸡店多到饱和，已经冇边间可以提起兴趣去，唯独呢间除外，因为Two two chicken系韩国好出名的炸鸡连锁店，可惜去韩国多次我都未食过，而家香港大坑有分店，都抱住期望去试。大坑店面细细，菜式选择都唔多，有几种炸鸡同拉面意粉。主打的炸鸡可以选一只或半只，心多的话仲可以来个双拼，我对原味的韩式炸鸡已经完全失去信心（太似KFC），所以就选了香蒜+照烧汁各半只（$78半只），话就话半只，但每边只有4-5件，分量偏少。初头以为香蒜系炸蒜片，原来系一pat生蒜蓉盖系炸鸡上面，越食越辣又呛鼻，唔怪得点菜时侍应都话几浓味，原来系指辣味，跟住仲听到佢同另一枱客讲：呢只仲辣过甜辣果只，我心谂：你唔早讲😑。至于炸鸡本身已食唔出咩味，只知咬落唔干身，炸粉都唔厚，已经比出面好多间好一点。如果系嗜辣同蒜蓉怪，不妨一试。至于照烧呢，个汁太heavy太杰，有点似食紧酱油膏咁，味道亦偏甜，整体感觉一般，唔太推介。