影片
更多
2011-08-18
39 浏览
之前睇咗食评话呢间好多人食, 仲要等位, 所以就打嚟问有冇位先, 多人就唔嚟, 姐姐话都唔驶等, 有位架啦!!! 咁我就去试下, 一开门, 点知得三枱客, 心谂会唔会唔好食呢???加咗$25转套餐, 有汤同饮品, 如果叫埋甜品的话可以平$10.... 罗宋汤一般, 蒜蓉多士, 唔香, 唔够蒜蓉, 又淋晒...呢杯奶昔系套餐后再加多$10, 好好饮呀, 可能我系太耐冇饮呢啲奶昔, 因为平时都系M记𠮶啲, 所以真系有叮一声的感觉!!千岛海鲜Pizza: 完全系好似食紧饼干, 仲要话系千岛酱, 点知一啲汁都冇, 似食紧海鲜饼, 完全唔掂!!! 之前系想叫芝士汉堡包, 跟住朋友又想食pizza, 问个waiter咁边样好食啲, 佢话pizza...唉....中晒蕉 我拣咗忌廉香草汁+蒜蓉+莫莎利芝士+巴麻臣芝士+烟肉+烟三文鱼+金菇+巴麻腿+饮管粉, 因为自己拣的, 唔知好唔好食, 所以都系拣番平时𠮶啲料, 出到嚟, 真系好正, 好好食, 好香, 好多芝士, 正呀!!! 个饮管粉同平时的意粉有啲唔同, 佢中间个空位大啲, 几得意, 好好食, 唔知出面有冇得买呢? 唯一一样有弹的系巴麻腿, 本以
之前睇咗食评话呢间好多人食, 仲要等位, 所以就打嚟问有冇位先, 多人就唔嚟, 姐姐话都唔驶等, 有位架啦!!! 咁我就去试下, 一开门, 点知得三枱客, 心谂会唔会唔好食呢???
加咗$25转套餐, 有汤同饮品, 如果叫埋甜品的话可以平$10.... 罗宋汤一般, 蒜蓉多士, 唔香, 唔够蒜蓉, 又淋晒...
呢杯奶昔系套餐后再加多$10, 好好饮呀, 可能我系太耐冇饮呢啲奶昔, 因为平时都系M记𠮶啲, 所以真系有叮一声的感觉!!
千岛海鲜Pizza: 完全系好似食紧饼干, 仲要话系千岛酱, 点知一啲汁都冇, 似食紧海鲜饼, 完全唔掂!!! 之前系想叫芝士汉堡包, 跟住朋友又想食pizza, 问个waiter咁边样好食啲, 佢话pizza...唉....中晒蕉
我拣咗忌廉香草汁+蒜蓉+莫莎利芝士+巴麻臣芝士+烟肉+烟三文鱼+金菇+巴麻腿+饮管粉, 因为自己拣的, 唔知好唔好食, 所以都系拣番平时𠮶啲料, 出到嚟, 真系好正, 好好食, 好香, 好多芝士, 正呀!!! 个饮管粉同平时的意粉有啲唔同, 佢中间个空位大啲, 几得意, 好好食, 唔知出面有冇得买呢? 唯一一样有弹的系巴麻腿, 本以为系巴马火腿, 点知系肉丸肠的物体, 咁又唔搞得人, 系我误会咗佢的意思啫!!!张贴
