一君士多 (已結業)

早一个礼拜喺无线电视『东张西望』见到介绍艺人邓一君嘅『一君士多』，有豪华车仔面吃，而对我来讲，最重要系有香蕉船吃，事关呢个系我细个时嘅回忆呀。今日约咗朋友来到位于尖咀堪富利士道嘅一君士多，我哋点咗以下食物，分别有主食霸王面，小食芝士蘑菇鸡翼，炸蟹钳，一君炸蛋，饮品就有龙眼冰，薄荷梳打，仲有甜品香蕉成熟船。霸王面内材料有鲍鱼，广岛蚝，花菇，花胶，仲有今日由带子取代了原本应有嘅虾。98蚊可以吃到咁富贵嘅车仔面，唔错吖。鸡翼去骨，芝士蘑菇酿喺其中，非常香口好味，推介畀懒人一族蟹钳及炸蛋亦系香喷喷，热辣辣。香蕉船令我返番去童年嘅回忆，雪糕球拣咗荔枝及云呢拿味，好吃，吃到停唔到口。