利寶閣 (已結業)

以为喺the one嘅酒楼应该都会几贵，但系原来又OK㖞。五个人叫咗上汤龙虾伊面、炸子鸡、烧腩仔、大澳啫啫生菜、杏汁猪肺汤最后再加一个香蕉拔丝。猪肺汤份量好多，虽然话系五人份量但系六个人饮都足够有余。龙虾伊面不过不失，炸子鸡有惊喜，附送嘅汁几好味。比正常茶楼好食。烧腩仔份量有啲少不过几好味，皮够脆。最后嘅香蕉拔丝成功吸引全场嘅目光，好适合影相，只系$98几抵。美中不足嘅系玻璃好反光，睇唔清楚好靓嘅夜景。仲有一样可以改善嘅就系在场嘅人手有啲不足，经常要不停举手先至叫到人黎。尖沙咀来讲，公众假期人均消费只系$200几就食到咁多野其实真系算几唔错啦。