老川皇川菜風味館

营业中

休息中

🍲金汤酸菜生鱼片味道浓郁，鱼片都好滑，冇腥味。佢嘅酸菜偏重口味，好啱我食！老公食咗两碗白饭去送佢嘅汤汁😛 鱼片同埋酸菜嘅份量都好足够！🫘酸豆角肉末呢一个𩠌好少喺香港会食到，多数都系去大陆嘅餐厅先会识！佢呢一度嘅酸豆角非常之酸，我系非常钟意呢一个重口味之选！成碟𩠌都炒得好香口，辣度都调得非常好 🍡红糖糍粑呢度嘅红糖糍粑系炸得好脆嘅皮，同埋佢嘅糍粑系非常软腍腍嘅质地，唔系好硬𠮶种！咬落软软糯糯，非常香口！🍸金橘柠檬特饮非常清新，而且可以拣少甜，味道好好亦都好解辣🍹百香水果茶 呢杯水果茶劲足料，入边有苹果，橙，柠檬，百香果，火龙果，西瓜！味道好香浓好鲜甜！