友義氣‧酸菜魚

营业中

休息中

同阿仔超爱食水煮鱼，今次听到一位系葵涌返工嘅朋友推介，呢间店除酸菜鱼好味，原来「水煮鱼」同样好味。所以趁住今日阿仔行完书展之后，专诚去试吓。餐厅位于葵涌恒景商场地下。去到大概两点左右，店员十分有礼，很快已经安排了卡庄位给我们，目测店内仍有不少食午餐嘅打工仔及街坊。店员细心介绍下午两点至有八五折。除推介招牌酸菜鱼，亦介绍如果爱食辣一定要试吓水煮鱼。二话不说立即点了《水煮鱼》，然后再慢慢选其他食物。我哋再点了一份《鸡丝粉皮》、《椒盐鲜鱿》，再加两杯珍宝冻饮。《水煮鱼》（$198）果然超好味，鱼片十分滑，重点系完全冇骨。好奇问过店员，原来采用了黑鱼。水煮鱼除了大量鱼片，连配料都十足，有莴笋片、大豆芽、金菇菜、木耳及薯粉。我们选了一般辣，辣度适中，本人觉得汤底很够香，如果食得辣，可以不妨挑战下大辣。《鸡丝粉皮》（$58）呢个小食，每次食水煮鱼都必食，系最好嘅配搭，因为食完辣再食啖配有麻酱、青瓜丝嘅粉皮，立即清新晒，啱中和一下水煮鱼嘅辣。《椒盐鲜鱿》（$98）面层炸粉酱炸得够香脆，鱿鱼肉肥厚，椒盐咸香，十分惹味。跟餐只需加$8 可转珍宝冻饮，珍宝冻饮真系超大杯，吾怕食完辣吾够饮品。