Primo (已結業)

今日放工同朋友去港岛区揾嘢食，去咗湾仔一间酒吧餐厅，餐厅气氛都几好。地方唔算好大，但系座位都唔逼夹。我地先来叫咗一个田园沙律，沙律菜十分新鲜，有羽衣甘蓝、车厘茄、青瓜等，清新嘅洋葱配意式香醋汁，香醋汁味道浓郁偏酸，相当开胃。再来叫咗个墨西哥鸡肉及西班牙辣肉肠pizza，呢个Pizza嘅辣肉肠味道相当辣，配埋墨西哥辣椒好惹味，再加上香辣蕃茄汁，呢个Pizza嘅香辣味道比芝士味更浓郁。钟意食辣味Pizza嘅朋友真系唔好错过，另外Pizza嘅饼底好香脆。呢度可以自选自己想食嘅意粉，扁面条、宽面条、意大利面、缎带面、另外仲有无麸质意粉可以选择，餐厅呢个设计都几细心。而我哋就选择左带子、虾、烟肉卡邦尼意粉，意粉酱加入左白酒调制creamy 黎来芝士味道浓郁，带子同虾新鲜又大只，好滋味，不过份量比较少。