皇朝漁苑 (已結業)

嬲到我食完要即刻上黎写食评..英国皇朝系好食嘅，知道香港都开咗就去试吓。满心期待叫我最钟意食而香港又比较少有嘅香酥鸭，点知中伏。英国嘅香酥鸭系好好食，差唔多是但一间中餐厅都好食，除非鸭唔靓/肉梅.. 真系未试过食过系难食。香酥鸭，英文系Crispy Duck… 半只鸭整好后上碟show比我地睇之后话帮我地去骨。个刻我只系立一立眼，眼到好似腊鸭咁嘅样不过冇谂咁多（后尾谂返其实应该系㶶㶶地嘅啡色先啱）。整好上碟已见唔对路，望落都完全唔系个回事。包好一啖咬落去…. 鸭系湿嘅。香酥呢？Crispy呢？完全冇…. 极失望🥲只酥嘢只可以叫做「鸭肉」而唔系「香酥鸭」。我本身对鸡鸭系一般，叫呢个𩠌都系为咗食「香酥」又唔系为咗食「鸭」。有冇人明我到底有几失望。呢份香酥鸭整得仲差过同集团嘅文兴（但呢间又整得太干）。另外点咗两个𩠌同一个炆米，呢三样系唔差嘅只系价钱较贵。最后送嘅糖水系紫米露都好味。不过比个香酥鸭影响咗，觉得整体黎讲又贵又唔好食。唯一可取，呢间餐厅Staff态度又好又友善。