皇朝漁苑 (已結業)

改左名皇朝明珠行高檔路線 大部份點心都係逐粒計錢 $2x 1 粒😂 一籠4粒都要過$80 蚊質素高都值回票價丫 但又唔係🤑👍🏻 啲蝦餃 豆苗餃係幾好嘅安格斯肥牛乾炒牛河都算有鑊氣👎🏻黑毛豬叉燒腸 得個乾字 仲要$88碟 蝦腸啲蝦無蝦餃咁新鮮瑤柱蛋白炒飯啲米硬左啲 流沙包係好流心但但皮勁厚 仲要甜品漏左單 都唔係多人時段等左20 分鐘點知無落到 再叫都等左15 分鐘先到 以呢個價錢比呢個質素同埋服務唔收貨仲要位位茶錢$30 😂無下次

呢個套餐超級抵食 有成10樣野都係$500/1位，皇朝蜜汁叉燒皇（晚市供應) 蜜汁叉燒肥瘦均勻，肉質飽滿富光澤，入口鬆化😋潮式四喜拼盤（鵝肉海蜇絲拼蝦棗蟹棗）滿足口味多、美味也多的需求。 四款炸物也好吃，火喉恰好，炸物脆香不燥、乾爽不油❤️【點評獻禮】冰鎮大連鮑魚 夠大隻又厚身好肥美😋食落好彈牙爽口翡翠竹笙海皇羮 海皇羹十分足料，好鮮蟹肉味。蠔皇北菇扣鵝掌 鵝掌炆得好林夠入味，食完滿滿骨膠原😋豉油皇海中蝦 蝦殻滿豉油的鮮味和香氣，蝦肉爽彈鮮甜。酥炸台山生蠔 台山蠔又肥又鮮甜，皮脆肉滑豉蒜涼瓜炆斑球 涼瓜依個比較生唔太欣賞，反而班球味道唔錯潮州糖醋伊麵 呢款係我第一次吃，俾我印象幾好，吃之前記得與沙糖及鎮江醋拌勻蘸着吃，增添酸甜滋味加倍開胃，原來呢款菜式已經見小賣小，想試既朋友仔真係要去試試

皇朝漁苑是大埔三門仔路的一家潮州菜餐廳，除左中菜 海鮮都好出色餐廳的裝潢風格典雅服務員好熱情❤️2人海鮮套餐🌊皇朝蜜汁叉燒皇潮式四喜拼盤（鵝肉 海蜇絲 拼蝦棗蟹棗）冰鎮大連鮑魚斯翠竹笙海皇葖蠔皇北菇扣鵝学豉油皇海中蝦酥炸台山生蟟豉蒜涼瓜炆斑球潮州糖醋伊麵精選合時糖水 及 精美糕點皇朝蜜汁叉燒皇：外層酥脆，內裡肉質鮮嫩，加上蜜汁的甜味 停唔到😳潮式四喜拼盤：有鵝肉、海蜇絲、蝦棗和蟹棗，蝦棗和蟹棗足料彈牙冰鎮大連鮑魚 🤩原隻上好大隻又新鮮豉油皇海中蝦 好入味 蝦肉結實蠔皇北菇扣鵝學、酥炸台山生蟟等菜式也非常值得一試。- 潮州糖醋伊麵 自己加糖同醋調味 伊面酸甜可口蘋果山楂糕同馬蹄露 都好好食 happy ending🤭---

第一次專程去到三門仔皇朝漁苑飲茶食晏～去到揀返個靚位望住海景飲茶🍵超寫意～點知經理同我哋講呢度有蚊🦟不過有點蚊香～冇冷氣有幾部風扇～但是你坐咗我就唔會幫你轉入大廳（有冷氣）～我哋覺得山長水遠都係想感受海景選擇咗坐低～叫咗點心蝦餃、帶子芋角、鵝肝餃🥟脆皮牛腩、凉瓜炆斑球。點心還ok脆皮牛腩仲差過大排檔、牛肉靭😅凉瓜斑球用雪魚代替斑球😅價錢一流服務食物九流🤓

嬲到我食完要即刻上黎寫食評..英國皇朝係好食嘅，知道香港都開咗就去試吓。滿心期待叫我最鍾意食而香港又比較少有嘅香酥鴨，點知中伏。英國嘅香酥鴨係好好食，差唔多是但一間中餐廳都好食，除非鴨唔靚/肉梅.. 真係未試過食過係難食。香酥鴨，英文係Crispy Duck… 半隻鴨整好後上碟show比我地睇之後話幫我地去骨。個刻我只係立一立眼，眼到好似臘鴨咁嘅樣不過冇諗咁多（後尾諗返其實應該係燶燶地嘅啡色先啱）。整好上碟已見唔對路，望落都完全唔係個回事。包好一啖咬落去…. 鴨係濕嘅。香酥呢？Crispy呢？完全冇…. 極失望🥲只酥嘢只可以叫做「鴨肉」而唔係「香酥鴨」。我本身對雞鴨係一般，叫呢個餸都係為咗食「香酥」又唔係為咗食「鴨」。有冇人明我到底有幾失望。呢份香酥鴨整得仲差過同集團嘅文興（但呢間又整得太乾）。另外點咗兩個餸同一個炆米，呢三樣係唔差嘅只係價錢較貴。最後送嘅糖水係紫米露都好味。不過比個香酥鴨影響咗，覺得整體黎講又貴又唔好食。唯一可取，呢間餐廳Staff態度又好又友善。

原來有一處環境這麼好背山面海的中式餐廳多數露天的很少有中式多數是西餐或輕食戶外台大約有二十張左右寵物可以使用亦有停車位置食物方面上菜速度出奇快味道大致都是平均唯獨鮑魚燒賣就要睇睇五十多元一粒但是鮑魚咸過咸魚那感覺不過用飲茶的款式看都比較多選擇和特別所以要訂位我哋本身訂了位置也要等一會兒

來到大埔三門仔，必定要去皇朝漁苑飲茶，有户內有戶外，座位舒適寛敞，食物質素平均，蒸蝦餃蝦肉彈牙，真正的皮薄餡靚，好喜歡飲佢嘅湯，因為用料充足，一忠湯約有七至八碗，全碟湯料，已經知道飲到新鮮真正的靚湯，XO醬炒腸粉以耐熱的器皿盛載，保持熱力，味道恰到好處不會過鹹，份量夠，這裏的乾炒牛肉河，炒得河粉分明，牛肉大件厚厚的，配上這裏的自家製XO醬，微微香辣實在非常惹味，這裏出名自家燒味，必食脆化乳豬，乳豬入口脆卜卜，肉質嫩滑，一點都不鞋身，放了一段時間仍然保持這個口感，另外記得要點一杯羅漢果茶，清熱潤肺。

父親節當日原先打算和爸爸慶祝特意去呢到飲茶當時父母已經十點半左右搵位，我們總共六人據了解我爸爸話當時有很多枱無人坐，個帶位俾咗張4人枱重要近門口,而且個帶位好無禮貌，話d枱一早俾人訂哂架啦，我俾咗你坐我一陣就俾人鬧架啦！！咁父母都照坐，但過咗3個字左右d枱仍然好多就問下果個帶位，個帶位就答我真係轉唔到俾你丫，我爸爸當下真係嬲爆爆，有成十幾廿張枱係到，張張都俾人訂哂？幾時嚟又答唔到，個樣語氣又好炆好唔耐煩，講嘢又唔太正帶口音，之後我爸爸向經理投訴佢就離開咗！今日我聽其他有去過嘅朋友都話呢個帶位女人好無禮貌，就算閒日有枱都唔俾，飲完茶果張枱都無人坐，所以都唔會再嚟，講真呢間嘢唔係平，係咪要識人先有好位置？我相信有好多人都有呢個經驗

這裡適合附近大埔工業村、香港教育大學的共工作者談生意，因為有隔間，聊天可以比較私密《紅燒乳鴿》雖然細細隻，不過做到香脆嫩滑，外脆內軟《蒜蓉扇貝》鮮味十足，扇貝火喉剛剛好，粉絲好入味《豉椒蟶子》蟶子肥美鮮甜，爽口彈牙，非常惹味《清蒸紅瓜子斑》師傅的功力了得，火喉掌握剛剛好，食落結實厚肉，一個字“滑”，雖然價錢要過千一條魚，不過值得一試

從來都無寫過食評就算差都费事，但呢間真是差到一個点，貴唔緊要，但要比番相對食物比客。D蟹22蚊一両，無拎過出來比我地睇下，淨係講一斤一両，都無所謂，但隻蟹是臭的，D伙記一同佢地投訴就即刻話我地同厨房講，叫佢自己聞下佢話同厨房講番， 大家覺得有冇問題，之後再煮一隻都是臭的！ 真係離譜。谅瓜炒班球，一食就知雪藏魚，嚡烚烚，脆香卷牛柳粒，D牛柳粒都無十粒但收258蚊......真是無語！從來都無食過一間差得咁緊要，千期唔好去

非常難得8:00準時入到慈山寺網站，順利登記到參學位置。當日我哋10:30到達，大概12點參觀完，由於地點同三門仔好近，所以就楂車去皇朝漁苑飲茶。侍應非常有禮，我哋有BB，所以佢建議我哋坐室內位置。室內位置寬敞，枱與枱之間有足夠嘅空間，唔會覺得逼夾。我哋3大1B叫咗唔少點心，每樣都唔錯！最深刻係方魚肉碎蠔仔泡飯，連BB都要追住飲湯♥︎♥︎ XO醬蘿蔔糕好惹味，叉燒包包與餡料比例均勻，食完鹹點之後再叫一個經典嘅芒果布丁，兒時回憶返晒嚟，仲要多花奶，好正✌︎✌︎總括嚟講雖然價錢唔算平，但係環境清幽寬敞，有露天位置，亦有泊車位，食物質素唔錯，係假日飲茶嘅好選擇☻︎☻︎

話說我前一晚打去問明天要否訂枱，話筒裡語帶不善的一把聲音回答，你冇訂枱就唔好黎，已經吾係好想去，都算了，訂了早上10點，未去過所以早一點開車過去，到達大概9點半左右，見啲侍應預備中，也無心打擾，只係問了一句：吾該，請問車可以拍那裡，一位黑衫男職員好不耐煩問，你有冇訂枱，我回答訂了10點，之後佢話未夠鐘，我話我都知未夠鐘，只係想問吓車可以拍那裡，他回了一句，我點知你拍喺邊？就行咗去，重要回頭非常不友善的眼神望我，好彩我係揸車黎，即刻揸車走啦，如果睇到呢段文字嘅你，係山長水遠特登撘車去的話，遇到咁嘅不禮貌對待，我諗你真係唔知走好吾走好，想去的你，真係自己諗啦。

公司想盡辦法境中生存，強迫我們這些打工仔放假，理解！但一個普通得不能再普通的平日，兩老在家還可去哪兒？於是駕車跑到老遠，一世人也未去過的三門仔逛逛，竟然發現這間裝修不錯 ，還對著無敵大海景的海鮮酒家 ，感覺有點像兒時看粵語殘片的雍雅山房。 我們到達時午市快將完結，隨便在餐牌上點了幾個 帶海鮮的小菜，但酒家備料不足，我們點了三個菜有兩個都未能提供，疫情中，可體諒。最後來了這三個：o 鹹蛋黃焗中蝦o 香煎蠔烙o 紫菜花甲豆腐肉碎湯 全部足料、夠火候、水準之上，我們在坐在户外，曬著太陽，望著藍天、白雲、碧海，美食當前，一個極無聊的下午，也可很享受。

今日係三門仔附近，清潔沙灘。原來方圓百里，只有一間餐廳。就係呢間皇朝漁苑。因為制聚令，6人一枱，5台。預先同餐廳溝通好，寫好左個菜單😀1. 青瓜海蜇頭: 好食，夠味同爽口！2.黑松露雜菌腐皮卷: 好脆！有驚喜！有無人知上面一條條係咩黎？3.蝦餃: 蝦肉彈牙大隻！好飽滿甘！4.燒賣: 都係蝦，都好食既！下次要試有鮑魚既😆5.小籠包: 一般。夾起時穿左🥲漏曬啲精華。6.皇朝三式腸粉(叉燒、牛肉、鮮蝦): 好食！皮薄餡正！7.龍蝦上湯伊麵: 伊麵索左啲湯汁食！好食。龍蝦新鮮。8.豉椒涼瓜炆斑腩: 本人麻麻苦瓜。真係幾苦。但食得出有鑊氣！9.紅棗糕: 呢個比10粒星⭐️佢好重棗味！ encore 左多一轉！10.桂花糕: 麻麻。一拮就散。11.椒鹽豆腐粒: 香口。外脆內滑！12.乳豬拼叉燒: 乳豬食左一件乍。炸一聲無曬。想再食！皮好脆！BB豬夠嫩。叉燒一般。淨左無人食。13.上湯菜心苗: 正常14.腐竹白果浸露筍: 正常15. 菜膽燉豚肘子湯：好飲。清清地！P.S. 應該會再去幫襯過！仲想食椒鹽魷魚，食多次乳豬同紅棗糕😆

今日男朋友突然之間話帶我去一個新奇嘅地方飲下午茶，我心諗香港仲有咩餐廳我未去過😌，結果佢揸咗半個鐘頭車去到呢度我真係第一次嚟，對於我來講真係好新奇，呢度真係好靚好世外桃源嘅感覺，今日天氣好好所以我哋坐左outdoor 我哋叫咗蝦餃、鳳爪、腸粉、XO醬蘿蔔糕、蜜糖雞翼蝦餃 $52蝦餃好好食，而家已經好難食到好食嘅蝦餃，個皮好薄而且蝦餃入邊有汁三式蒸腸粉 $50呢個腸粉都好好食，個皮好薄好滑而且一次過有齊三隻味鳳爪$40淨係睇張相你就知道佢係好食嘅，林得來好夠味蜜糖雞翼$75我本身唔係好鍾意食雞翼，但係呢個蜜糖雞翼真係做得好好，你淨係睇到張相都知道佢係好脆卜卜 XO醬蘿蔔糕 $62個蘿蔔糕本身好好味，不過佢就咁放啲XO醬上去好似有啲夾硬，我本身幻想佢係XO醬炒蘿蔔糕嘅，不過佢上枱嘅時候佢蘿蔔糕仲煎到外脆內軟，入面仲未出煙嘅，所以呢個都好好食😋