碗碗香 (已結業)

碗碗香既位置唔系好近地铁站，我同朋友系特登系网上面揾到呢间好评餐厅过去食既，两个路痴既女人系铜锣湾街头兜左几个圈先揾到。店铺唔大，里面就只有几张凳，但都系坐满哂人。呢到系食贵州野既，以牛肉面最出名，菜式都系偏辣，同埋有好多冷盘，好似口水鸡，拍青瓜等。野食唔贵，一个套餐连饮品大约58 蚊左右。我地叫左佢最出名既红烧牛肉面同红油牛肉面，再配杯当地出名既苦丁茶。等左不久，面递上来的一刻，就已经闻到香浓既牛肉面香，令人食指大动。 未食先流口水。 一食，香料既味道冲入喉咙同鼻孔，红烧牛肉既味道好香，加埋酸菜既减少牛肉面既油腻感。牛肉选用既部份系牛腩，有d牛筋，好嫩好入味既牛肉。个面好爽滑，有d似赞歧乌冬，筋性低，但系就滑到呢，食到啜啜声，好得意既口感，听老细讲个面咁爽滑系因为佢系贵林既纯米粉，靓米粉整出尼既面一定靓嗌。仲有冇谂过碗面咁大碗，本身以为一定食唔哂，但系真系太好味，顶住个肚都食哂。如果话红油牛肉面同红烧牛肉面二选一，我会简红烧牛肉面，第一个汤冇咁油腻，第二阵香味浓郁d.红油既汤底可以选择辣度，而红烧牛肉汤底有尼自黑椒既少辣，唔食辣既人可以试一试尼个，真系唔错。食到饱饱，饮番杯贵州既苦丁