影片
更多
2023-03-24
1124 浏览
机缘巧合之下来到葵兴呢边，本地人推荐我地可以夜晚过来 「光辉围 」呢区宵夜，行行下发现图中呢间 合发小食 一直人流不断，要排队几分钟左右等落单。佢地营业时间好长，凌晨过去帮衬，几个钟后早上经过仲开紧，揾资料先知开24小时😱。.主打做「一蚊一件 煎酿三宝」，款式有青椒、茄子、云吞皮、红肠、豆腐、鱼蛋等，睇住前面每个人至少叫三四十件🫣。▼煎酿三宝 $1/件▼今次每款试少少，拣好炸物后会即时炸番热，可以随个人喜好加酱油、喼汁、辣酱等。基本上酿薄薄一层鱼肉，自己最钟意青椒🫑和茄子🍆湿润唔会干，主要食蔬菜本体多，红肠大大块，炸豆腐一大旧，有豆香味，但口感实在偏干偏硬，鱼蛋微咬口，口感不错，而云吞皮炸到薯片咁脆。刚炸好出炉较油，拎到番去岩岩好，一大袋廿件先廿蚊，宵夜饱到不得了，呢个价钱唔好要求太多，今时今日一蚊一件算抵食，食得几开心😆！.另外仲有炸鸡髀、麦乐鸡、盐酥鸡一类炸物，等既时候见到连续几个客都买大大只炸鸡髀，下次有机会一定要试！.
机缘巧合之下来到葵兴呢边，本地人推荐我地可以夜晚过来 「光辉围 」呢区宵夜，行行下发现图中呢间 合发小食 一直人流不断，要排队几分钟左右等落单。佢地营业时间好长，凌晨过去帮衬，几个钟后早上经过仲开紧，揾资料先知开24小时😱。.
主打做「一蚊一件 煎酿三宝」，款式有青椒、茄子、云吞皮、红肠、豆腐、鱼蛋等，睇住前面每个人至少叫三四十件🫣。
▼
煎酿三宝 $1/件
▼
今次每款试少少，拣好炸物后会即时炸番热，可以随个人喜好加酱油、喼汁、辣酱等。基本上酿薄薄一层鱼肉，自己最钟意青椒🫑和茄子🍆湿润唔会干，主要食蔬菜本体多，红肠大大块，炸豆腐一大旧，有豆香味，但口感实在偏干偏硬，鱼蛋微咬口，口感不错，而云吞皮炸到薯片咁脆。刚炸好出炉较油，拎到番去岩岩好，一大袋廿件先廿蚊，宵夜饱到不得了，呢个价钱唔好要求太多，今时今日一蚊一件算抵食，食得几开心😆！
.
另外仲有炸鸡髀、麦乐鸡、盐酥鸡一类炸物，等既时候见到连续几个客都买大大只炸鸡髀，下次有机会一定要试！
.
张贴
