Sedap Malaysian Delights (已結業)

今日过海同朋友食饭，系中环拣左呢间马来西亚菜，讲真自己都唔知马来西亚菜式系有咩出名同有咩口味，今次以个人口味去评价一下啦。首先比大家睇一睇午市既餐单～基本上都系包野饮既套餐，系中环黎讲价钱算中等左右。我地两位都叫左拉茶，奶味比较重，入口都好滑亦唔会好甜，如果茶味浓少少会好岩我口味。我地两个都叫左黄金饭，佢系配炸鸡脾，我系咖哩鸡，基本上有好多饭，好大份，巴东牛肉好淋都好入味，虾好大只但始终系套餐，有种预先整好既感觉，冇咩虾味但都冇雪味。 炸鸡脾唔系好大只，但配合咁多饭都可以，咖哩鸡食落有少少出水，似系分开煮完再烩返一齐。 配菜勉强合格，反而黄金饭有啲水准，粒粒干身同有饭香，而且食落唔会好油。我地仲加左两个小食，胡椒鸡翼，鸡翼有啲干亦唔太入味，跟餐都要50蚊，唔太推荐。米纸脆春卷，如果冇个脆字佢都系呢到比较有惊喜既作品，作为套餐小食，我估计系预先整好既原因所以唔太脆身，但佢既馅料配合得几好，中间有紫苏叶味道非常突出。总结价钱上黎讲的确唔吸引我呢啲乡下仔。 中午套餐比我印象都有少少粗制滥造，本人不太推荐。