姨婆瑪麗 (已結業)

姨婆玛丽门口写住系卖马来西亚车仔面，谂咗一谂，都唔系好明。但附近都唔见其他餐厅，就即管试试，免得一班朋友嘅肚喺度投诉~呢度嘅𩠌大部分都同一般车仔面档近似，最特别嘅就系汤底。我哋决定叫一浓(咖喱)一淡(怡保鸡汤)，再加啲小食几个人分~咖喱汤一端上枱面就知系真材实料。椰奶香味扑鼻，汤底呈橙红色，而且好稠身。至于鸡汤就充满鸡油香，清得嚟又有鸡嘅咸味。香口小食好难唔令人流晒口水五香肉卷系咁多款入面我最钟意。外层腐皮炸到脆卜卜，包住弹牙嘅猪肉，入面混入嘅芹菜减低咗肉嘅油腻感。大大份真系好食又抵食特饮定期转款，今日系冬瓜龙眼茶~