So Bar (已結業)

平日行开尖沙咀，我有时都会经过So bar，成日心思思都想去试，因为佢个vibe好正，亦好有情调咁。同朋友讲开，原来大家不约而同都想去试吓，于是我哋就即兴去咗啦！我哋一入到去先知，原来So bar系苏妈•苏妈嘅酒吧，难怪佢嘅食物有唔少马来西亚风味。另外，酒吧嘅环境真系好chill好舒服，同朋友喺度坐一整个晚上都几唔错！我哋一见到个drink list，就觉得d饮品非常特别，即刻谂都唔谂就叫咗杯durian kiss，呢杯嘢饮饮落好重榴连味，好似食紧雪糕咁，但不失酒味👍🏾我哋仲叫咗杯Flow，佢好重烟熏味，好啱男士饮。至于食物方面，我哋就叫咗日式饺子、烧猪颈肉同埋海陆双并。猪颈肉、牛小排同龙虾尾佐酒真系一流，饮饮下酒唔觉唔觉好快已经食晒。我最欣赏So bar嘅地方系呢度唔会好似其他酒吧咁，有好大阵烟味，对于我哋唔食烟嘅人士嚟讲真系一个好嘅饮酒地方。