馬六

营业中

休息中

餐厅：马六地点：西环石塘咀菜式：马拉野餐牌：茶餐12选一，有多款饭粉面小食，配热饮品6选一，冻饮加$3，另外仲有小食追加同加$8升级饮品。仲有地道推介下午茶餐。马六无骨海南鸡饭 $65马六无骨海南鸡饭有好多鸡肉食，有脾有胸有翼。鸡肉算嫩，皮滑溜，伴有四条青瓜，跟有大大碟三色酱汁。鸡油饭大大碗，非常黏口。仲有一碗虫草花葱花鸡汤。猪颈肉喇沙掺掺 $48喇沙好少见配猪颈肉，猪颈肉一共五件，口感味道都唔错。掺掺即系黄色粗面加幼身粉丝，前者有咬口又滑溜而后者幼滑吸汁，加埋系好正嘅口感。个汤又香又滑，梛汁又够，辣度刚好。其他配料有半只超好味糖心蛋，豆角，豆卜4件，同少少爽口芽菜加香口脆脆。街头鸡肉串烧 跟餐加$22街头鸡肉串烧一客两串。鸡肉啖啖肉，好重咖哩味，烧得脆皮。伴有青瓜同车厘茄。另上参巴酱。马来手工拉茶 （跟餐）马来手工拉茶滑溜香甜，叫左少甜甜度刚好。热桂圆红枣茶 （跟餐）热桂圆红枣茶有好多红枣肉，下底有一粒桂圆肉，加有菊花，好香花味，唔甜。总括而言，今餐食物质素唔错！茶餐似正餐一样大大碗，非常抵食！座位舒适，装修光猛。