馬六

营业中

休息中

餐厅：马六地点：西环石塘咀菜式：马拉野餐牌：茶餐12选一，有多款饭粉面小食，配热饮品6选一，冻饮加$3，另外仲有小食追加同加$8升级饮品。仲有地道推介下午茶餐。马六无骨海南鸡饭 $65马六无骨海南鸡饭有好多鸡肉食，有脾有胸有翼。鸡肉算嫩，皮滑溜，伴有四条青瓜，跟有大大碟三色酱汁。鸡油饭大大碗，非常黏口。仲有一碗热到辣口既虫草花葱花鸡汤。街头鸡肉串烧 跟餐加$22街头鸡肉串烧一客两串。鸡肉啖啖肉，好重咖哩味，烧得脆皮。伴有青瓜同车厘茄。另上参巴酱。班兰咖吔多士 $28班兰咖吔多士一客四件，每件1/4份。烤得脆口绿色多士入面一大片厚身牛油同班兰咖吔酱，脆中带咸又甜，唔错。连呢个餐都跟饮品。老街椰汁冰 跟餐加$8老街椰汁冰用杯装，椰汁味好香，饮完好似食完甜品。古仔路芒果冰 跟餐加$8古仔路芒果冰用杯装，中间明显有冰沙，芒果味道唔假，够解渴。马来手工拉茶 （跟餐加$3）马来手工拉茶滑溜香甜，叫左少甜就会少少苦。总括而言，今餐食物质素唔错！茶餐似正餐一样大大碗，非常抵食！座位舒适，装修光猛。