馬六

营业中

休息中

餐厅：马六地点：炮台山电气道菜式：马拉野餐牌：茶餐12选一，有多款饭粉面小食，配热饮品6选一，冻饮加$3，另外仲有小食追加同加$8升级饮品。仲有地道推介茶餐。猪颈肉喇沙掺掺 $48喇沙好少见配猪颈肉，猪颈肉一共五件，口感味道都唔错。掺掺即系黄色粗面加幼身粉丝，前者有咬口又滑溜而后者幼滑吸汁，加埋系好正嘅口感。个汤又香又滑，梛汁又够，辣度刚好。其他配料有半只超好味糖心蛋，豆角，豆卜4件，同少少爽口芽菜加香口脆脆。马六无骨海南鸡饭 $65马六无骨海南鸡饭有好多鸡肉食。鸡肉算嫩，皮滑溜，伴有四条青瓜，跟有大大碟三色酱汁。鸡油饭大大碗，非常黏口。仲有一碗紫菜葱花汤。加$10可以转脾位。娘惹芝麻虾多士 加$18娘惹芝麻虾多士一客两件，每件都有一半系虾膏，面头铺满白芝麻粒。食落系脆口中带弹牙虾膏，正呀！伴有甜酸酱可以调味，同样伴有青瓜同车厘茄可解腻。冻桔仔话梅水 加$3冻桔仔话梅水好多料，味道甜甜酸酸，够冻，有独立饮管。桂圆红枣茶 跟餐桂圆红枣茶好足料，有红枣又有杞子，菊花等，味道唔甜，非常热。总括而言，今餐食物质素唔错！茶餐似正餐一样大大碗，非常抵食！座位舒适，装修光猛。服务员哥哥态度好友善。