馬六

营业中

休息中

今日俾我揾到一间食下午茶既份量都可以好似正餐咁丰富既餐厅! 叫左无骨海南鸡饭 ($42)，虽然佢写左轻量，但其实当正餐食都得，几大碗下，好抵食。海南鸡一定嫩滑就唔洗讲啦，我都几钟意佢个酱汁: 黑豉油、蒜蓉及辣椒酱，我觉得黑豉油够味杰身D，比起另外两只会浓味D较好味。连埋个油饭就非常夹!!叫左个马拉盏通菜 ($26)，原来都几辣，但好惹味，辣味、虾味都好突出!!成碟菜都好爽口好翠绿，用料几新鲜，份量都系好足，算几大碟!加左($8) 叫左个鲜柚子沙冰，超好味! 真系有柚子肉，而且佢系酸酸甜甜咁，好醒胃，佢个沙冰都几厚，但饮落又滑又细，天气咁热最岩饮返杯沙冰!!坐既环境都几舒适，我见佢调味粉度有喇沙叶好想试下咩黎，但因为我叫既野冇汤，难D试到，下次再试下。