Cafe Whale

营业中

休息中

一夜干马友汉堡果然系一试难忘，鱼柳包揾到马友去整都真心刁钻，仲要有埋花雕酒比你唧落去，佩服。佢支花雕酒仲要揾个好靓嘅香水樽装住，真心劲。侍应提醒我地，揭开个包唧啲花雕落去块马友嘅时候要小心，要因应自己嘅口味去唧，否则返唔到转头。唧咗花雕之后又真系有𠮶种一夜干咸鱼嘅味道，仲入面仲有少少金华火腿嘅香味，够晒中西合璧。我地另外再叫咗一份腐乳薯条，其实系炸薯条上面加咗一粒干嘅腐乳同埋有一啲干腐乳碎粉，另外仲有一碟腐乳酱俾你点薯条，影真够诚意。