CJ Cafe (已結業)

住马鞍山咁耐，难得放假可以行下，竟然发现泳池隔离有间几靓既餐厅，就不如去试下啦！ 餐厅有相当既空间感，席与席之间都有啲距离，加上一排大既落地玻璃窗，谂谂下 情人节同女朋友黎庆祝都几好㖞！泰式酸辣凤爪 78份量都算几多，而且食落无乜骨，小小酸辣，带一点港式口味，系咸左啲啲，食得出好浓既鱼露味，同埋用左好多新鲜菜拌碟，做出泰式既清新感。餐汤（杂菜汤）虽然餐汤系跟餐既，无需加钱，但系水准好好！ 一来好多料，啖啖都系菜，岩晒我呢啲渣怪😂 黑松露扒带子意粉 78叹紧餐汤既时间，我点既黑松露扒带子意粉送到，闻到阵阵黑松露味，食落口，真系好香好浓，亦唔会感到腻，反而带子就咸左小小，但整体都系水准级呀！餐厅提供选择既特饮都好特别，天气咁干燥，点了一杯苹果杞子茶，好重苹果味之余又唔太甜好解渴！特多杞子！食过咁多间cafe,CJ真系值得推介，由环境，味道，到价钱都好好，至少会食得出「心机」呢样野！以后又多个好既选择喇！