樂香園咖啡室 (已結業)

又到午饭时间，今日比较晏食饭，所以可以去乐香园食，因为只要系繁忙时间都会好多人排队，而今日2点先去就唔需要等位。一入到去一定会叫呢个滑蛋叉烧饭，虽然其他食物都好出色，但始终最中意都系呢个，而且唔使一分钟就送到眼前，岩哂肚饿既我。鸡蛋炒得非常鲜嫩，亦唔会好油腻，加上香味十足既葱花，另外叉烧虽然比较偏瘦，但食落又唔会好嚡或硬，整体配搭一流，然后自己再加适量豉油调味，令味道更香。其实中环食饭本身已经唔算平，但呢个水准都只卖$36，非常推荐。