新記冰室

营业中

休息中

做左成日嘢就系想食翻啲邪恶既嘢慰藉心灵🤤为左个烧猪颈肉同埋芝士面而黎新记食，加埋杯冻奶茶，好爽😌1⃣️元祖终极芝士面（$64）极度邪恶😈除左满满既芝士汁之外，入面既配料有炒蛋、餐肉、红肠同埋猪颈肉。芝士汁好够，碗面黎到既时候啲芝士汁多到直头睇唔到入面啲料🙈芝士控一定超钟意😍猪颈肉烧得够香口，油脂感逼晒出黎，而且唔会好干，份量都有好多片。食完成个面感觉即刻肥左，但系绝对肥得值得👍  2⃣️芝士汁猪颈肉煎蛋捞公仔面（$58）呢款就冇咁多配料，有烧猪颈肉同埋太阳蛋😋猪颈肉有蜜香唔干，加埋芝士汁食好正。而且劲钟意个太阳蛋，啲蛋汁加埋芝士汁捞公仔面食真系无敌🤤呢度既芝士汁好似系用左三款唔同芝士整成，包括卡夫芝士、车打芝士同埋莫札瑞拉芝士，芝士味好香而且唔会太稠，用黎捞公仔面食真系好正。