炊豕店 (加路連山道) (已結業)

朋友知道我钟意食啲重口味嘅嘢食，有日就跟咗佢哋去佢哋介绍嘅餐厅「炊豕店」，系一间岀名食葱油猪扒嘅餐厅。餐厅有解释「炊豕」两只字点謮同埋背后嘅意思，「炊」读吹，即系烧火做饭嘅意思，「豕」謮始，即系猪，由甲骨文演变过嚟。餐厅最岀名除咗葱油猪扒，仲有款叫大阪烧猪扒，唔知咩嚟，呢款就等下次再嚟先试，今次我就跟朋友推荐嗌咗个葱油猪扒捞粗面。碗葱油猪扒果然好多葱油，真系好多葱油，呢样好重要所以要讲多次真系好多葱油，对于我呢啲重口味嘅人嚟讲简直系天堂。炸猪扒热辣辣，keep到佢啲肉汁喺里面，另外除咗大量嘅葱油仲有大量嘅炸蒜，捞埋啲粗面味道非常之夹。唯一缺点系食完之后成口都系油，虽然系好食，但系绝对唔可以成日食。另外外卖自取有八八拆，不过可惜我唔喺呢头返工。