麥明記

营业中

休息中

当日出左港岛有点事做，而屋企人又咁岩想食好味既云吞面，咁最后就揾左间曾经拎过米芝莲既传统面铺试下。当日二点几钟去到铺头，唔洗等位就入得，咁我地几个人就叫左一碗大蓉，一碗细蓉，鲜虾云吞捞面同埋虾子捞面，而小食就叫左个炸鲮鱼球同炸云吞。咁最快黎到既系云吞捞面同虾子捞面，屋企人就表示面质好好食，绝对唔系出边可以食到既面质黎，云吞比较细只，但几鲜味。而虾子捞面既虾子好香，虾子既咸香同幼面非常搭配。而其后黎既系大蓉同细蓉，清甜既大地鱼汤搭配住幼面，的确好夹，但份量相对其他面铺真系几细，大蓉同细蓉既份量差唔到好多，建议都系叫细蓉好过。而炸云吞炸起个皮几酥脆，虾味十足，而炸鲮鱼球鲜味可口，最特别系蚬介酱第一次真系见到有原只蚬系酱到呢！但系价钱上就相对地比较贵，如果便宜一点就更好啦！