真姐港台美食

营业中

休息中

放假又去咗骆驼漆行吓，𠮶头一向都人山人海。近入口位置有间小食店叫「真姐港台美食」，见好多人帮衬，买完仲直接企喺度食，相信质素应该有返咁上下😜。由于差唔多时间返屋企，所以我就决定买返去慢慢叹，始终天气仲系好热🥵。小店门积唔大，不过所卖嘅食物款式都几多，而且话明港台美食，香港同台湾嘅食品一应俱全。虽然系小食店，但如果讲份量的话，佢一啲都唔少。外卖包装企理，食物卖相吸引🥡。黄金炒饭($40)，我睇住老板娘喺电饭煲装饭出嚟再拎去炒🍚。炒饭好大盒，而且真系炒至金黄色，每粒饭都干爽分明，难怪叫黄金炒饭💛。虽然唔系用咗好多料炒，🍳但蛋香好突出，都OK！爆料炒面($35)，🍜炒面坚系用足料炒，𩠌料将面条覆盖，包括各种蔬菜(茄子、四季豆、椰菜、红萝卜同杂菇等)同肉碎，食落口感丰富。面底系公仔面，甚至可能系营多🤣？但最紧要够惹味。牛杂($40/细)，小店嘅牛杂好出名🐮，一串真系唔够食，要一碗就差唔多。细碗份量啱啱好，而且各个部位嘅比例好平衡，有齐牛腩、牛肚、牛肺、牛膀同牛肠等。佢哋炆得好入味，淋得嚟又有啲咬口，五香味恰到好处，唔会太苦或太重口味。煎酿三宝($30/8件)，呢度嘅煎酿三宝款式多，色彩缤纷🌈。