影片
更多
2013-03-29
201 浏览
呢间餐厅我想试好耐嫁啦，因为佢个名入面"健康"两个字吸引到我奈何佢冇咩边间分店近我住既地方，同埋对我黎讲价钱有D偏贵呢...所以一直都未有机会去试不过早个排咁岩出开铜锣湾，系唔知食咩好既情况下就把心一横去试左佢既LUNCH SET(都系唔系几舍得LUNCH用咁多婆仔本色尽现@@)去到一睇，WA...都唔平㖞，平均一个LUNCH SET 都要$50-$60，已经唔记得驶唔驶加一噜。虽然系有D贵，但系既然黎到就走左入去了。入到去之后，侍应好快就俾左个餐牌我睇。佢有几个SET，每个SET都列明卡路里(呢点系值得赞既！)研究完一轮之后，我就决定左要个素食既杂菜意粉。佢呢个餐跟左一个汤同埋薄饼。汤冇饮到，不予置平。而个薄饼呢，开头睇个名我以为会系好似印度NAAN个d咁样。但佢一上枱之后，我发觉原来又系自己谂多左。佢呢个薄饼拎上手只系暖，唔算热。佢既质地好难形容，介乎于薄脆同面包之间，薄得黎又带d面包既烟韧。净食既话都食得出面粉香，不过愈食就会觉得愈咸，食多几啖就会发觉d盐好似唔驶$$咁，所以最后我系食唔晒呢块薄薄既薄饼既。跟住轮到个主菜：杂菜意粉一上枱既时候，哗，个卖相又红又绿咁，好吸引呀。入面
奈何佢冇咩边间分店近我住既地方，同埋对我黎讲价钱有D偏贵呢...所以一直都未有机会去试
不过早个排咁岩出开铜锣湾，系唔知食咩好既情况下就把心一横去试左佢既LUNCH SET(都系唔系几舍得LUNCH用咁多婆仔本色尽现@@)
去到一睇，WA...都唔平㖞，平均一个LUNCH SET 都要$50-$60，已经唔记得驶唔驶加一噜。虽然系有D贵，但系既然黎到就走左入去了。入到去之后，侍应好快就俾左个餐牌我睇。佢有几个SET，每个SET都列明卡路里(呢点系值得赞既！)
研究完一轮之后，我就决定左要个素食既杂菜意粉。
佢呢个餐跟左一个汤同埋薄饼。
汤冇饮到，不予置平。而个薄饼呢，开头睇个名我以为会系好似印度NAAN个d咁样。但佢一上枱之后，我发觉原来又系自己谂多左。
佢呢个薄饼拎上手只系暖，唔算热。佢既质地好难形容，介乎于薄脆同面包之间，薄得黎又带d面包既烟韧。净食既话都食得出面粉香，不过愈食就会觉得愈咸，食多几啖就会发觉d盐好似唔驶$$咁，所以最后我系食唔晒呢块薄薄既薄饼既。
跟住轮到个主菜：杂菜意粉
一上枱既时候，哗，个卖相又红又绿咁，好吸引呀。入面有d西兰花、四季豆、菇等等，估唔到连红腰豆都有。或者呢个系素意粉既关系，佢连调味料都少落，其实...系冇咩味淡左D。(你可以话系食食材既原味既)
我惯左食意粉都会加芝士粉，所以就胆粗粗问下佢有冇。点知真系冇提供嫁，虽然预左，但系都有D失望。
就咁食都食得出D食材算系新鲜既，唔会话有怪味。但系一路食既时候就会发现有好多黑色既一点点痴左系D意粉到，睇真D，你会发现个D原来系镬㶶见到都冇咩心情，一边食要一边挑返佢地出黎，好麻烦
虽然睇落个份量好似好少咁，但系食落都几饱肚。(或者我细食挂)
临尾埋单好似都要$50几$60，作为一个LUNCH对我黎讲都几贵，但系都叫试过下，一尝心愿啰。
不过下次就唔会特登走过去食，因为咁既价钱系个到都有唔少选择。(尤其我走既时候见对面既铺头仲多人)
题外话/补充资料：
个到D侍应姐姐好似真系唔忧做咁。我去到既时候冇咩人，但系我想落单既时候，佢地都好似唔系好想理我咁，连语气都麻麻。(尤其我问佢有冇芝士粉既时候:mad:或者我真系问左一个好白痴既问题)
(以上食记乃用户个人意见 , 并不代表OpenRice之观点。)
张贴
