蝦棧 (已搬遷) 新店位置

太子食新餐厅， 见到门口已经有个大缸，养满晒大头虾，真系要食餐劲嘅。先黎胡椒虾， 一锅六只，睇住师傅喺个缸到拎上嚟， 新鲜度满分， 上枱热辣辣，胡椒味香浓 ，味道上面层次更加丰富， 大头虾虾膏有够多，可惜惊胆固醇高， 唔系食多份都仲得。盐烧猪肋条转牛仔骨， 同我想像嘅有少少出入，本身以为盐烧会系比较干身， 原来都见到仲有汁， 要嚟捞饭一流。一口炸豆腐， 豆腐外表炸到脆卜卜， 食落又唔似平时嘅硬豆腐，八卦一问之下 ，原来系台湾千叶豆腐真系估佢唔到， 味道一流。薄荷柚子梳打， 柚子味香浓， 梳打够气，唔系太甜。薄荷火龙果梳打， 最估唔到系用红火龙果新鲜打汁，酸酸甜甜，超易入口。南瓜豆腐雪糕， 来到上台已经好吸晴，原个南瓜上， 打开入面咁多雪糕，已经值得嫁，又甜又香又不失豆味，够晒香浓。