燒烤堂 (已搬遷) 新店位置

估唔到九如坊呢到都有间烧烤店。店舖招牌唔多起眼。但绝对值得嚟试。烧烤/串烧店大家可能会谂起酒吧或者成间食店都系烟。但呢间食店绝对唔系以上两种。店舖舒适整洁。绝对啱晒同朋友嚟食嘢吹水。蒜蓉烧茄子。茄子烧完唔干身加埋蒜蓉系上面。唔需要再加啲咩特别调味料已经好好食。牛舌，外脆内软。内面保留大量肉汁。牛魔王绝对唔能够错过。芝士年糕，芝士控必试，个人感觉唔点练奶会好食啲。鹅肝多士。呢个一定一定一定要试。充满惊喜。鹅肝本身配多士已经好好食。呢度仲要加埋牛油系多士入面真系好好食呀！衰鬼。以上呢四种食物我觉得必试。其他食物都ok。但要推介我会推介以上四种食物😂