塔門仔海膽燒 (已搬遷) 新店位置

每次喺佐敦坐元朗小巴经过都见到，又知老婆钟意食海胆，于是专程黎一次试下。我地8点几到，室内唔系满座，好彩我地两个人，唔洗等就有位。一坐低就有人介绍我地饮清酒，不过太肚饿都系叫左野先，主打都系海鲜，再加入一啲fusion整法，都算有特式，例如个海胆炸鸡球，做法系普通炸鸡球，不过加入海胆混既酱，用鸡球点黎食好特别，两种味都食到几有新意。再黎就系海胆炒饭，配料系肉碎，我好奇试下加菜保（即系食粉仔混𠮶啲）入啲饭到试，非常好味。跟住就系烧蚝，啲蚝好新鲜，完全同喺大陆食 既隔夜烧蚝冇得比。最后埋单都系一人2百几蚊。个人推介主打海鲜，其他串烧或者食物可以唔试，始终呢间野海鲜系有保证。