裕泰牛什越南河

营业中

休息中

早两个礼拜喺附近食到一间羊肉粉，有少少炒车又食唔饱。沿路行过去太子嘅时候闻到一阵好浓郁嘅牛味。就记挂住呢一间舖头，又咁啱再落开深水埗就试一试佢个水位如何。唔需要多拣，直接嚟碗肠腩河，冻柠茶走甜。另外加咗份炸鱼皮，姐姐掉低在个白胶袋一个吉碟，个白胶袋里面载住鱼皮。虽然冇卖相可言，但系都几好食，又够脆口。碗粉黎就第一时间试吓个汤底，赖嘢有啲淡，唔通之前闻到嘅牛味系幻觉？咁就唯有再加个辣椒油调一调味，反而个辣椒油做得几好，辣得黎几有层次。啲牛肠就有啲肥，牛腩几嚿都一丝丝肉有啲鞋。跟住有啲赖少少筋膜就好返少少。整体还算可以吧，但都系唔明点解叫越南河，完全无越式感觉。