影片
更多
2016-01-27
4040 浏览
今年第一餐嘅团年饭就喺同细胞小组嘅团友食，仲要提早到过年前三星期，因为成十多人，几个家庭，实在唔易约。年近岁晚，好多酒楼都分两轮，约到嚟誉宴，就喺贪佢就算星期日都唔分时段，让我哋慢慢倾，轻松食 。誉宴本身都有专搞婚宴，所以，个场环境几好，广阔无柱位，楼底又高，天花嘅水晶灯闪闪亮亮，就算唔喺婚宴，都见有人摆百日宴。嚟到食晚饭，唔使担心消费特别高，有平有贵，又有啲特价嘢，最紧要喺唔使被逼食啲贵价套餐，所以，我哋点啲小菜，又点啲炒粉面。补充下，餐前小食收$15碟，我哋13人收3碟，茶芥收$12位，其中一个喺阿B，收12人茶钱，所以，依啲湿碎数，都收咗近两嚿水 。 成都手撕鸡 $48 手撕鸡几嫩滑，垫底嘅青瓜丝入口爽脆，淋上嘅麻辣汁，辣劲好强，但唔会好麻，几醒神醒脑嘅小食。不过，因为晌个餐牌唔见有「辣椒」公仔，所以，无谂过佢会辣成咁！ 上海三鲜烤麸 $48 摷嚟摷走，都好似只得两鲜：木耳、冬菇，不过，都唔紧要啦，做得好食咪可以啰。烤麸绵柔又吸满汁，木耳爽，冬菇香，大人细路大都啱食。 烧味拼盘 $168 人多就特别钟意点袋个𩠌，当餐前小食又得，当𩠌伴白饭都得，唔个点解，
誉宴本身都有专搞婚宴，所以，个场环境几好，广阔无柱位，楼底又高，天花嘅水晶灯闪闪亮亮，就算唔喺婚宴，都见有人摆百日宴。
嚟到食晚饭，唔使担心消费特别高，有平有贵，又有啲特价嘢，最紧要喺唔使被逼食啲贵价套餐，所以，我哋点啲小菜，又点啲炒粉面。
补充下，餐前小食收$15碟，我哋13人收3碟，茶芥收$12位，其中一个喺阿B，收12人茶钱，所以，依啲湿碎数，都收咗近两嚿水 。
成都手撕鸡 $48 手撕鸡几嫩滑，垫底嘅青瓜丝入口爽脆，淋上嘅麻辣汁，辣劲好强，但唔会好麻，几醒神醒脑嘅小食。不过，因为晌个餐牌唔见有「辣椒」公仔，所以，无谂过佢会辣成咁！
成都手撕鸡
$48
77 浏览
1 赞好
0 留言
摷嚟摷走，都好似只得两鲜：木耳、冬菇，不过，都唔紧要啦，做得好食咪可以啰。烤麸绵柔又吸满汁，木耳爽，冬菇香，大人细路大都啱食。
上海三鲜烤麸
$48
60 浏览
1 赞好
0 留言
人多就特别钟意点袋个𩠌，当餐前小食又得，当𩠌伴白饭都得，唔个点解，啲细路又特别钟意食「橡根」。拼盘有叉烧、烧鸭、乳猪、海蜇、烟鸭胸、猪脚仔，样样有啲，胜在多元化，满足大家各有所好，况且，啲烧味又做得唔差。
秘制话梅骨 $98 无啦啦嚟咗份元蹄，仲以为嚟错要求退走，点知眼前嘅就喺话梅骨，因为以前食过一直认为好似无锡骨、糖醋排骨𠮶样，所以，依份话梅骨小弟点都认为唔可以叫骨啰 。不过，讲味道又几唔错，「元蹄」处理得唔肥腻，又有肉香，嗒落又确有话梅嘅酸香，更中和剩余𠮶份油脂感。平时真喺食份红烧元蹄要两嚿几水，依家唔使一嚿就搞掂，错有错着。
滑蛋炒虾仁 $88 虾仁既大只，又爽口，滑蛋配少少葱花炒，又做得唔错，一碟嘅份量唔会得少少，只卖$88实属抵食嘅小菜。
滑蛋炒虾仁
$88
33 浏览
1 赞好
0 留言
通常话元贝，都谂住碎湿湿，但个赛螃蟹好有惊喜㖞，个炒蛋白炒得嫩滑之余，堆到成个小雪山咁，而元贝唔喺只得两、三炷咁少，更加埋鲜带子，翠绿嘅西兰花伴碟，好睇又好食。
北海道元贝赛螃蟹
$88
44 浏览
1 赞好
0 留言
可能好多人都认为喺一道好普通嘅菜式，不过，易学难精，豆腐入口十分嫩滑，又豆味，个汁茨香浓，简单味美！
红梅渔肚浸秋葵 $108 厨师推介菜之一，又因为有秋葵入馔，加埋鱼肚，有益健康。不愧推介，鱼肚浸发得好腍滑，秋葵爽得嚟带点黏，「红梅」攞个名靓啲，其实喺蕃茄汤底，几酸香浓郁，正！
红梅渔肚浸秋葵
$108
39 浏览
1 赞好
0 留言
南瓜芝士海皇焗天使面 $148成道西菜咁款，中菜师傅煮天使面，喺胆搏嘅选择，不过，佢哋又煮得有水准㖞，首先天使面无煮过笼，唔会腍到好似啲蚵仔米线咁；个南瓜芝士汁又煮到恰到好处，既有南瓜味，又有芝士香。
牛肝菌鸳鸯米带子炒饭 $138标得个题目惊喜就当然唔喺单一事件，依个炒饭真喺先惊后喜，初时睇卖相以为得𠮶3粒带子做做卖相，怕唔够分仲轧开晒，原来饭内仲混有好多带子粒，够晒惊喜，而且，牛肝菌亦有唔少，饭粒够干身，又炒得有菌香，认真好食。
牛肝菌鸳鸯米带子炒饭
$138
55 浏览
1 赞好
0 留言
虽然我哋当中都有啲甜品粉丝，但只打算叫少少过吓口瘾，不过，一来酒家有唔少甜点供应，二来难得大家食得咁开心，三来就快过年，一于尽庆啲，8款甜品点咗5样，摆到成枱都喺。
吕宋香芒布甸 $22碗布甸质感唔错㖞，几挺实，唔会好削，不过，啲芒果就质疑喺咪菲律宾货，因为有少少酸（两碗都喺），一喺就焗得唔够熟就拎去整布甸。
千层姜汁糕 $24一笼有4件，睇个样仲以为咖啡糕之类，一层间一层，虽然唔喺咩难整嘢，都要俾少少心机。入口姜汁糕几爽，姜汁味亦好突出，几好食㖞。
千层姜汁糕
$24
49 浏览
3 赞好
0 留言
同样一客有4件，仲要裁成心形，底面都喺一般嘅桂花糕，不过，睇见都知佢落足桂花，所以，挺浓桂花香；中间就隔一层红豆糕，红豆大粒，又清甜，只喺发觉有部份豆煮得未够腍。
金牌流沙包 $38一笼3件嘅流沙包，不负金牌之名，包身非常软熟，咬落又唔黏牙，「流沙」馅绝对好「流」，好香蛋味。
金牌流沙包
$38
24 浏览
1 赞好
0 留言
原笼蔗糖马拉糕 $38大大个马拉糕，一开6，色泽黝啡因为采用纯蔗糖，所以，有一朕朕清甜，而且，马拉糕发得松软，又有回弹力，出色嘅出品。
原笼蔗糖马拉糕
$38
35 浏览
2 赞好
0 留言
题外话/补充资料：
是次消费只计10个大人。
(以上食记乃用户个人意见 , 并不代表OpenRice之观点。)
张贴
