譽宴 (已結業)

中秋節做節 外父，外母，老婆，我媽爸，夾埋六個人簡簡單單嚟呢度食半圍唔使諗嘢全包宴梗局 六罐汽水可以轉6罐嘉士伯， 幾好臨尾唔夠喉，嗌多咗兩支，50蚊兩支龍蝦伊麵係雪藏波士頓龍蝦 六個人分一隻每人都分唔到一粒調味不錯， 但若然個芡太厚乳豬脆皮好食但係好細隻，成隻雞咁細隻炒雪藏象拔蚌藕片豆角都做得唔錯雪藏象拔蚌就係雪藏象拔蚌味啦冇乜特別，當小菜食啦海鮮卷呢個係細細個食開嘅味道個人特別喜好，大家唔知道鍾唔鍾意海皇翅， 味道做得好好 翅亦都好多雖然係一啲碎翅但係過下口癮絕對不錯每人有成兩碗正正常常嘅炸子雞，皮淋嘅清蒸星斑仔， 真係好仔下，細細條螺片冬菇菜，正常小菜正常炒飯正常桂花糕講真半圍千零蚊全包唔使諗嘢每人200零蚊當然佢唔係味味餸都好熱即刻炒佢都係等齊曬先搬出嚟，溫度欠奉但係勝在簡單酒樓高樓底好坐，唔使諗味道就係正正常常啦唔會特別驚喜但係千零蚊埋單講真一家6口出去食好啲都食唔到所以我都冇乜特別要求

第一次食過生平最難食既酒樓晚餐。今次上左去6樓食，服務態度算中規中舉，不過相比4樓員工態度差得多，一聽到冇訂座就完全唔想做你生意咁，食物質素差到一個點，炸子雞根本就係番炸，個皮唔脆又冇光澤，雞又un又老，連最普通既甜品芒果布甸都可以做到咁難食，啖啖都有好多絲，d絲多都食都食唔落，枉你仲寫得出係必食，真係食狗糧都好過食呢d，不過清蒸既海鮮都不過不失，只係d汁入面油就佔左3分2，食到成口都係油。呢間野未試過既話真心勸你唔好試

成日行過，見到佢推廣，虎蝦花膠龍躉， 仲可以有半席， 星期六日都係1200蚊左右，都ok呀， 啲碟頭都好大， 最後仲可以打包伊麵同埋炆花膠， 個燕窩羹，有成七碗，每一碗都好滿， 如果人頭200蚊一個都算抵同埋化算， 地點其實都方便，喺太子站附近， 其實呢一間成日都好難book， 好多時做婚宴或者包場， 今日竟然訂到位， 如果三五知己，近地鐵站都可以考慮， 喺今時今日，算係多侍應呀， 經理好多都落手落腳一齊幫手， 啱啱佢哋有同事生日 ， 都有好多食客祝福

環境不錯，价钱合理，一围全包宴都是两千元，整体而言味道是不错的，蚌和帶子都几新鲜，大蝦炒脆面，面底很脆而且配以汁料十分好味，比大蝦还好味。紫菜卷几有特色，外皮脆口，裏面亦丰富。但乳豬就肥了些，吃一件好了。而王甜品颇有特色，燕麥白糖糕，确美味，我吃了三件，哈！

A friend who is sick lives nearby so we decided to have dinner at this place. 5 of us ordered stir fried broccoli with scallops, sweet and sour pork, Char Siu, and black fungus as starter.The food is poorly executed. The sweet and sour pork were not properly fried, the Char Siu is way too lean and overcooked. The broccoli was fine. I guess the only thing worth noting is the balanced taste. Portions were a bit too small even though it is reflected in price. Plating was fair. The sides and tea wer

今日去警察會打波，差啲打完就落大雨，真係連個天都唔鍾意我哋囉 😭😭，唯有摘日打埋餘下賽事!5 點 9 左右離開警察會，波友話食飯。 。 。有啲早喎。 。 。咁打咗去譽宴問吓有無檯啦，覆返就話今日多訂檯，叫我哋照去，佢哋會安排，由於堅係早，去到無乜人。我哋其實啱啱打波時食咗啲茶點，所以諗好食乜就算無侍應落單都唔急 🤣🤣🤣麻辣蟹雞煲有麻辣香味，份量唔算大，味道可以; 小炒王正 👍👍 椒絲腐乳生菜普通，條魚就唔係好得，隊友話啲油有啲油益味，另外個堂剪豬就唔掂，都未熟晒 😐😐反而甜品又意想不到咁好喎，馬拉糕香口同鬆軟，楊枝金露有香味唔會死甜，壽飽有咸蛋王平衡返蓮蓉啲甜。我哋坐足 3 個鐘，埋單 $988 唔算貴吖 🤣🤣到我哋走時仲有好多吉檯，點解講到好似無位比我哋咁呢？

這間酒樓服務態度頗差，樓下取了籌，到樓上知客說沒有枱，幾經辛苦，才求得她們開一張九人枱，其間知客錄音機般重複：兩點鐘下午茶，三點半即須走人。給人的感覺是似乎不怎麼想做生意。食物一般，不管價錢多平，也不會再光顧了！

平日都經常出外食，何況新年😂同親戚朋友飲茶，見面閒談，酒樓就最好，一路飲下茶，食住點心。😊———————————————————1-叉燒菠蘿包——-面頭脆皮，面包夠軟熟，叉燒餡料味道吳錯👍2-布拉腸粉——腸粉做得夠滑，配埋甜醬芝麻醬仲好味😋3-灼生菜——灼得吳會過老，爽甜😊4-豉汁鳳爪——-調較味道吳錯👌5-流沙包——-皮做得軟熟，流沙餡味道都ok6-蟲草花棉花🐔——🐟肚夠甜夠林，🐔肉嫰滑，又夠熱。7-包鏍片粥——味道都ok————————————————————環境就麻麻地，坐位就較迫，服務都係麻麻地😅

一早黎飲茶。09:00之前都不算太多人。佢總有4樓同6樓選擇，今次我地坐在4樓。阿姐都有禮，其實一坐低立刻叫燒麥，芋頭排骨最正。親友話要特別推薦叉燒包。竟然我們連續叫兩籠？

上次同舊同事去呢間酒樓食晚飯，叫個職員幫忙影張相，個職員竟然同我地講話好忙叫我地快啲，黑口黑面，好似好阻住佢咁，到分湯時，啲人都未飲完佢就要人哋立刻加，大佬呀都未飲完㸃加呀，趕住收工咁，到食完想問佢有冇糖水送，佢話冇咁我哋叫佢攞餐牌諗住自己叫，佢又好唔耐煩咁話都話冇得送囉，嘩原來自己俾錢叫糖水都要受氣，呢間酒樓啲服務態度真係差到不得了。

去到始創中心，見到個地址寫1樓4樓同6樓，但係搭lift嘅時候見唔到有呢間酒樓，原來要係另一個位上，係1樓登記左再上去上到去等左一陣先安排入座，門口知客只係講左枱號比我地知，冇人帶位要自己再問👎🏻👎🏻地方唔算太大，d枱擺到好迫，椅背貼椅背咁坐茶壺有寫到係咩茶，唔使再開黎睇先知👍🏻去到既時候2點左右，岩岩開始下午茶時間有下午茶特價點心，以地區黎講價錢都叫抵既由於只係同媽媽兩個人飲茶，所以叫唔到太多唔同款式嘅點心，見到佢有個點心拼盤，有蝦餃，燒賣，粉果同义燒包，實在太好啦，可以食多幾樣唔同既野👍🏻👍🏻點心就緊係要襯熱食啦，即刻食個义燒包先搣開一半，大部份都係醬汁，想搵舊义燒睇下都難粉果個皮好薄，但餡料唔靚，食落冇乜味蝦餃入面既蝦肉都大粒，但味道好普通，冇乜特別一般酒樓既燒賣入面都係會有肥豬肉加蝦做餡料，呢度特別d，燒賣入面冇太多嘅肥肉，但係食落去就冇咁香，味道都係好一般！點心上枱既時候都唔夠熱食完點心就食碗燒鴨米啦，上菜果陣侍應姐姐話燒鴨唔夠，搭d油雞比你要唔要，唔緊要啦，單併變雙併仲好啦 米粉既份量都多，但係湯底好咸，味道就好似加咗好多鹽嘅水燒鴨個皮係腍既，似隔夜燒味食完咁咸既野就叫個甜

中午諗住lunch飲茶，坐底都無人理之餘，仲要有個大陸丫姐(個名牌寫住大X英)態度超級差！一黎就好大聲咁鬧！我搖張點心紙提你黎攞啫，你仲要咁大聲！佢仲要繼續大聲！痴咗咁，我話，你都唔需要咁大聲！佢居然話，我不嬲咁大聲㗎啦！。。。。我真係無語，我明你地做野辛苦，但我係客人，佢一d尊重都無！我真係未試過去消費都要俾人大聲咁鬧！如果你覺得依份工辛苦，可以選擇轉工囉，唔使出氣喺客人身上面！我希望可以有人正視依個問題，客人不是大晒，但做為服務業，至少對客人要有基本的尊重吧？

點心還可以，但員工態度超差！我只係同位部長講「差一個位」（因我見佢走左去無理我），個部長回應係「我知呀，小姐（態度勁悔氣）我依家咪比緊你囉！」我之後回一句「我問下啫，唔駛咁態度既！」真心覺得服務態度好差！只對熟客態度好少少！頂！

生日飯去咗譽宴，叫咗半席，菜單如下睇落好豐富，平日晚市都唔多人，可以舒服食餐飯。👉🏼乳豬全體乳豬燒得香脆，肥瘦幾適中，好味！👉🏼上湯焗美國龍蝦伊麵龍蝦都有肉食，伊麵都唔錯，但個汁太杰，口感有啲怪，凍咗就好難食。👉🏼蒸沙巴龍躉條魚啲肉幾嫩滑，唔鞋，但份量略少。👉🏼脆皮雞呢隻雞要推介一下，因為真係整得唔錯，皮係脆嘅，肉亦都好嫩，係一隻好食嘅雞，雞都唔鞋，正！👉🏼炸釀蟹鉗炸得香脆，可以大啖咬，好味但熱氣。👉🏼瑤柱蛋白炒飯炒得香又入味，而且唔會好油，好味！👉🏼蘆薈桂花糕好香桂花味，入口清甜，好岩食完咁多菜色之後食，唔會濟。👉🏼壽包大大隻，味道一般，純粹意頭。

年尾清假，約友人飲個茶，佢在太子附近上班，所以過去搵佢！隨意選左6個點心，兩個人叫6碟，果然係大胃王！咸水角即炸，脹卜卜，夠熱，色亦好靚，食得出吾係用萬年油炸！可惜皮有點硬，餡略單調，如果加少少蝦米更完美！义燒包皮太濕，汁多肉少，包發太大，汁有點杰。蘿白糕粉多，不夠臘味，蘿白絲太林。牛肉大粒又夠彈牙，推介！燒賣新鮮，有冬菇味，但肥瘦豬肉中肥肉比例太多。蟲草綿花雞太乾，用了沒有骨的雪雞扒！綿花夠林，入味！