Table

营业中

休息中

成日经过Table 都见大排长龙😮今日见早咗放工就去碰下运气，好彩唔使等就有位！餐厅光猛开扬，楼底高，墙壁上边仲有幽默嘅漫画，坐喺里面感觉非常舒服。点餐可以直接用手机自己落单，方便快捷👍🔶好耐冇食过啲真系热辣辣嘅铁板餐啦。一般我食嘅铁板餐可能系微微热过，淋番啲酱汁就算，但系呢度嘅铁板真系烧到好热🔥要用餐巾挡住一阵，唔好俾啲汁溅到件衫度，一路等一路流晒口水🤤5️⃣款铁板餐入面，我拣咗美式杂扒餐 - 有两块猪扒、一块鸡扒、一条芝士肠、一片烟肉、薯条同埋杂菜，份量非常足够😮‍💨有两款酱汁可以拣（黑椒汁/蘑菇烧汁），配埋香浓罗宋汤🥣真系CP值好高！🔶安格斯板腱牛肉石锅乌冬卖相绝对吸引，一放上枱嘅时候真系会令人「哗哗」声，因为石锅烧得非常炙热，放上枱时汤汁仍然沸腾著，差唔多成2分钟。牛肉软腍，乌冬面弹牙，鲜鸡浓汤亦十分滋味，加埋粟米粒，木耳丝同埋翡翠苗，丰富又美味。