天鳥居酒屋

营业中

休息中

一向都钟意食日本餐，今次又嚟到一间日本餐厅，呢度嘅环境装修好特别，放置左好多唔同嘅日本酒樽，令人食嘢之余都可以欣赏下餐厅嘅环境今次系晏昼时间嚟食嘅，因为系周末人流都多，但系都唔驶等好耐热爱食鱼生饭嘅我今次就叫咗一个lunch set嘅三文鱼三宝饭，Lunch set附送沙律、蒸蛋同埋甜品。沙律菜新鲜，份量都适中，加埋沙律醋食咗有少少开胃嘅感觉。甜品啱我呢个钟意食绿茶既人，系绿茶麻薯，口感弹牙，又唔太甜！主菜三宝饭，三宝分别有三文鱼、黄金鱿鱼同蟹子，三文鱼系薄切，令人食饭外再食鱼生都唔会太Heavy，黄金鱿鱼好特别，咬落去好爽口鲜甜，蟹子用嚟捞饭就啱晒啦，三样嘢配埋一齐食好夹！仲叫咗一个双重芝士海鲜大虾反卷，芝士放喺寿司面，烧溶咗少少，一啖食落去有双重口感，大虾炸得好脆，再加埋芝士，口感好丰富，两个人食一碟都觉得好饱，份量都够。最后仲叫咗三款唔同嘅寿司，鳗鱼寿司同普通嘅日本餐厅都类似，做到入口即溶嘅感觉，油甘鱼腩寿司嘅鱼腩脂肪比例唔会太重，食落去都鲜味，醋鲭鱼寿司就比较特别，唔系好多餐厅都有，佢嘅口感都比较特别，鱼味就比较重，适合啲比较钟意食鱼嘅人